Аргентина покажа сила, ја совлада Полска со 2-0 и како првопласирана оди во осминафиналето каде ќе игра против Австралија. Полска на драматичен начин се пласира на второто место откако Мексико само со 2-1 ја победи Саудиска Арабија.
Меси во првиот дел не реализира пенал, Шчешни го одбрани неговиот шут, но Мекалистер во 46.минута и Алварез во 67.минута постигнаа голови за Аргентина.
Мексико водеше со 2-0 со головите на Мартин и на Чавес, но Ал Тавсари погоди за Саудијците во судиското продолжение.
