Аргентинската фудбалска ѕвезда Лионел Меси не се истакнува во Пари Сен Жермен на начин каков што се очекуваше од него, а дека има проблем покажа и синоќешниот дерби дуел против Олимпик Марсеј (0-0).
Според неговиот поранешен соиграч од Барселона, Тиери Анри, овој проблем се нарекува изолација на теренот, поради што Меси не може да дојде до целосен израз, како што беше случај во каталонскиот тим.
Меси против Олимпик Марсеј играше по десната страна и беше безопасен по голот на лутиот ривал, а Анри се обиде да ја објасни ситуацијата во улога на стручен консултант.
„Тој е изолиран, добива се помалку топки. Не велам дека е тажен, но изолиран. Очигледно е дека има проблеми на десната страна. Мора да се најде некое решение за Меси, Нејмар и Мбапе да можат да играат заедно“, истакна Анри.
