Македонија се спаси од пораз во Естонија и извлече 3-3. Од тој агол можеби и можеме да бидеме среќни, но секако не и со прикажаната игра. Селекторот Игор Ангеловски исто така е разочаран од бодот. Тој смета дека Македонија е многу поквалитетна репрезентација и едноставно мораше да победи во Талин.
„Разочаран сум од бодот. Со нашиот квалитет моравме да победиме, но честитки до Естонија која погоди три пати. Ние имавме шанса кога се вративме на 3-3, но заврши натпреварот. Играчите беа дел од натреварот со Косово, сакав да им дадам можност, со цел да одморам дел од главните играчи во тимот. Мечот со Косово беше многу важен, па затоа им дадов шанса на останатите играчи. Мое е да им понудам игра, а нивно е дали ќе ја искористат. Натпреварот имаше убав ритам со шесте голови. Жал ми е што примивме три гола, промашивме пенал, двата тима играа одлично, а особено Македонија во финишот од средбата. Задоволен сум од последните 30 минути од натпреварот, успеавме да избегмене пораз, ама јас не сум задоволен. Со оглед на резултатот на Грузија и Ерменија, ќе бевме многу поблизу до првото место во групата. Сепак, има уште три натпревари до крајот и ќе дадеме се од себе да стигнеме до првото место“, изјави Игор Ангеловски.
Следен предизвик за Македонија е селекцијата на Грузија која доаѓа во Скопје во тековниот циклус од Лигата на нации.
