Италијанскиот стратег Карло Анчелоти веќе потпишал договор како селектор на фудбалската репрезентација на Бразил, тврди локалното издание „UOL Esporte“.
64-годишниот тренер на Реал Мадрид се смета за фаворит за наследник на долгогодишниот селектор Тите, кој се раздели со тимот по разочарувачкиот настап на Светското првенство во 2022 година во Катар. Од заминувањето на Тите, репрезентацијата на Бразил ја предводи привремениот селектор Фернандо Диниз.
Анчелоти има уште една година од договорот со Реал Мадрид до 30 јуни 2024 година, а многумина очекуваат тој да го избере Бразил како следен чекор во кариерата, и покрај неодамнешните информации дека шпанскиот гигант има намера да му понуди продолжување на договорот.
Според „UOL Esporte“, Карло Анчелоти веќе ги договорил условите со Бразилската фудбалска федерација и следното лето ќе го преземе националниот тим.
