Манчестер Јунајтед планира да го ангажира напаѓачот на Пари Сен Жермен, Рандал Коло Муани, на позајмица. „Црвените ѓаволи“ се подготвуваат за нова ера под водство на Рубен Аморим, кој го замени Ерик тен Хаг како менаџер на тимот. 39-годишниот португалски стратег ќе го предводи тимот за првпат во недела, кога 20-кратниот шампион ќе го посети „Портман Роуд“ за дуел против новиот тим во Премиер – лигата, Ипсвич.
Се верува дека Аморим ќе ја примени својата омилена формација 3-4-3, а оваа промена може да доведе до тоа Коло Муани да пристигне на „Олд Трафорд“. Според „Л’Екип“, Манчестер Јунајтед разгледува опција да го донесе францускиот репрезентативец на позајмица во јануари. Клубот моментно не може да си дозволи постојан трансфер бидејќи веќе инвестираше 180 милиони фунти за засилувања летово.
ПСЖ, кој плати 77 милиони фунти на Ајнтрахт Франкфурт за да го донесе Коло Муани во летото 2023 година, е подготвен да го пушти играчот на позајмица. Тоа е резултат на фактот што напаѓачот е резерва под водство на Луис Енрике, започнувајќи само два од 11 натпревари на ПСЖ во Лига 1 оваа сезона.
Коло Муани, кој може да игра и на двете крилни позиции, претходно успешно го предводеше нападот во формација 3-4-3 додека играше за Ајнтрахт Франкфурт, постигнувајќи 26 голови и асистирајќи за уште 17 во 50 натпревари.
Доколку Французинот се приклучи на Манчестер Јунајтед, ќе се натпреварува за место во стартниот состав со Расмус Хојлунд и Џошуа Зиркзе во врвот на нападот.
