Американките ќе ја предадат круната. Светот ќе добие нов фудбалски владетел во женска конкуренција откако бранителот, селекцијата на Соединетите Американски Држави доживеа елиминација уште во осминфиналето на Мундијалот во Австралија и Нов Зеланд.
Селекцијата на САД, на чие кормило е македонскиот стратег Влатко Андоновски, е поразена од Шведска, по изведуање пенали (4-5). Мечот заврши без голови во регуларниот дел, и по продолженијата.
Шведска во четвртфиналето ќе игра против Јапонија, а Холандија, која со 2-0 ја совлада Јужна Африка, ќе се сретне со Шпанија.
