Мисијата „пласман на Европско првенство“ официјално почна да се реализира со првиот тренинг на националниот тим. На него капитенот Горан Пандев ги поведе момците, а дојде да им посака среќа и малиот херој Јане, амајлијата на фудбалските репрезентативци.
„Италијанците“ Горан Пандев, Елиф Елмас се тука, утре ќе се приклучат и „шпанците“ Енис Барди, Александар Трајковски и Столе Димитриевски, прв пристигна Стефан Ристовски, дојдоа и Висар Мислиу и Бобан Николов, како и Тохимир Костадинов, Ѓоко Зајков…
Селекторот Игор Ангеловски полека го склопува мозаикот и очекува да види каква ќе биде разврската со Аријан Адеми и со Кире Ристевски. Едниот е повреден, другиот до неодамна имаше коронавирус.
