Connect with us

Алиоски за тренер добива поранешен предводник на Црвена Звезда

Српскиот стратег Владан Милојевиќ се очекува повторно да седне на клупата на Ал Ахли. Милојевиќ беше еден од тренерите кој го предводеше саудискиот тим за време на претходната, 2020/21 сезона. Но по само шест месеци поминати таму, одлучи да потпише 2-годишен договор со грчкиот клуб, АЕК Атина.

Оваа “авантура” на Србинот заврши порано од очекуваното, па тој го раскина договорот со АЕК, а медиумите во Саудиска Арабија веруваат дека тој е на чекор до повторно преземање на клубот од Џеда. Милојевиќ најмногу се прослави како тренер на Црвена Звезда во периодот од 2017 до 2019 година, а со српскиот клуб, успеа да обезбеди и учество во Лигата на шампиони.

Доколку 51-годишниот тренер одлучи да се врати во својата поранешна средина, ќе му стане предводник на македонскиот репрезентативец Езгјан Алиоски. Познато, нашиот Алиоски го напушти премиерлигашот Лидс како слободен агент ова лето, а веќе во јули, беше промовиран како нов член на Ал Ахли.

Advertisement
Advertisement
Advertisement

Facebook

Тимови