Македонскиот репрезентативец Езгјан Алиоски потпишал преддоговор со турскиот клуб Галатасарај, тврди британскиот „Фудбал Инсајдер“. Тој доби понуда од турскиот гигант да го облече дресот на Галатасарај од следната сезона, што значи дека можеби ја игра својата прва и последна сезона во Премиер – лигата.
Актуелниот договорот на Алиоски со Лидс Јунајтед има важност до крајот на оваа сезона, а досегашните преговори за негово продолжување досега не резултираа со потврда за нова соработка.
Фановите на Лидс Јунајтед коментираат дека Алиоски не би требало да се пресели во Галатасарај, затоа што тоа е клуб кој е „смртен непријател“ на Лидс.
