Македонскиот репрезентативец Езгјан Алиоски на лето најверојатно ќе го напушти „Иланд Роуд“. Според најновите информации од Островот, тој ќе го напушти Лидс Јунајтед по завршувањето на сезоната и веќе е во потрага по нов клуб.
Договорот на Алиоски со Лидс истекува на крајот на сезоната, а преговорите за продолжување на соработката не се одвиваат според планот. Тој на последните неколку меча го загуби местото во стартниот состав, а со тоа изгледа се промени и ставот на клубот околу новиот договор.
Алиоски не бил задоволен од понудата која ја доставило раководството на Лидс Јунајтед за потпис на нов договор со премиерлигашот.
Македонскиот репрезентативец во јуни ќе биде слободен агент, а за него сериозен интерес веќе покажува турскиот гигант Галатасарај.
