Езгјан Алиоски е пред нов предизвик во кариерата. Го напушти Лидс Јунајтед по четири години, имаше незаборавно искуство и настапи во Премиер – лигата. Тој кажа емотивно збогум, порачувајќи дека секогаш ќе остане голем навивач на Лидс и клубот ќе биде во неговото срце.
„Не беше лесно да го напуштам семејството на Лидс Јунајтед. Сакам да ви искажам благодарност на сите, на навивачите кои ни даваа неверојатна поддршка, на сите вработени во клубот, на соиграчите, на раководството и на тренерот Марсело Биелса. Го остваривме заедно сонот да го вратиме клубот во Премиер – лигата, имав можност да играм во најдобрата лига во светот. Тоа беше едно неверојатно доживување“, изјави меѓудругото Алиоски.
