Првиот голман на Шкупи, Игор Алексовски е успешно опериран по повредата која ја заработи за време на подготовките на тимот во Анталија. Чуварот на мрежата го скина лигаментот на десниот зглоб, па по денешната хируршка интервенција го очекува пауза од шест месеци.
Сепак, Алексовски потенцира дека ќе се врати уште посилен по овој за него тежок период…
„Среќен сум што операцијата мина максимално успешно. Сега се чувствувам одлично. Им благодарам на сите за поддршката и може само да порачам дека ќе се вратам уште посилен на терените“ – вели Алексовски.
