Градското дерби меѓу Вардар и Работнички е на програмата утре, во 22.коло од Првата фудбалска лига. Дуелот ќе се одигра на стадионот „Борис Трајковски“ во Маџари.
Вардарци ќе се обидат да се вратат во позитивен ритам по поразот од Шкендија (3-0) во Тетово, додека „романтичарите“ посакуваат да продолжат во ист стил како и на претходниот дуел со Брегалница кој го добија со 2-0.
„Утре нѐ очекува уште еден тежок првенствен натпревар, градското дерби против Вардар. По триумфот над Брегалница, би сакале да продолжиме во ист стил и на следниот меч. Го респектираме максимално Вардар, противникот е значително засилен во однос на првиот дел од сезоната, но ние сме подготвени за надигрување. Се надеваме дека ќе успееме да стигнеме до нов успех“, изјави Игор Алексовски, кој во минатото беше член и на Вардар.
