Академија Пандев и Александар Васоски почнуваат нова приказна. Тој го прифати предизвикот повторно да седне на клупата на „пандевци“ откако тимот имаше лош старт на новата сезона во Првата фудбалска лига, а тоа придонесе и за заминување на Ѓорѓе Стојчев.
Васоски бележеше одлични резултати на кормилото на Академија Пандев во првиот дел од ланската сезона, а потоа замина да биде тренер на Сараево, каде за жал имаше куса авантура.
Сега повторно се враќа во Струмица, каде ќе се обиде да ги дотера работите според својот вкус.
