Масимилијано Алегри е разочаран од активностите на Јувентус во летниот преоден рок и лут е на клупскиот врв бидејќи не ги доби играчите на кои се надеваше, пренесуваат италијански извори.
Алегри се врати во Јувентус по неуспешниот експеримент на клубот со Андреа Пирло како главен тренер, но трофејниот стратег лошо стартуваше со „старата дама“ и освои само еден бод по првите две кола.
Од Јувентус замина Кристијано Роналдо, се врати Моисе Кин, а Алегри неофицијално, не е задоволен од тоа како клубот го одработил летниот преоден рок.
„Не се договоривме така“, соопштил Алегри на свои блиски луѓе откако Јувентус не успеа да го доведе ниту Миралем Пјаниќ на позајмица од Барселона.
