Ал-Наср му нуди 60 милиони евра на Едерсон

Саудискиот клуб Ал-Наср му понуди богат договор на 30-годишниот голман на Манчестер Сити, Едерсон. Тој доби понуда од 60 милиони евра за две сезони и Бразилецот е заинтересиран за трансферот.

Договорот на Едерсон со Манчестер Сити е со важност уште две години, но тој во текот на минатата сезона покажа незадоволство кон Пеп Гвардиола и оттогаш силно се најавува негово заминување од „Итихад“.

Доколку Едерсон замине во Саудиска Арабија, тогаш Манчестер Сити најверојатно ќе тргне по голманот на Атлетико Мадрид, Јан Облак.