Актуелниот шампион Шкендија успеа да слави на гости во Автокоманда против Скопје, со головите на Валмир Нафиу и на Јан Кривак. Тренерот Бруно Акраповиќ вели дека триумфот е апсолутно заслужен.
„Момците заслужено го победија натпреварот против Скопје, доминиравме во текот на сите 90 минути. Дадовме два гола, можевме и повеќе со оглед на шансите, а ова треба уште повеќе да ја зголеми самодовербата кај момците. Противникот играше на долги топки и не направи речиси ништо, а дефанзивата кај нас функционираше одлично“, изјави тренерот Бруно Акраповиќ.
Шкендија во следното коло му гостува на тимот на Струга Трим Лум.
