Колку што газда Горан Пандев почесто вели дека ќе го „укине“ клубот затоа што финансиски не може да го издржи товарот, а и тврди дека нема фудбалска клима за развој во Македонија, толку неговиот тим игра подобро и реди победи. Составот што го предводи Александар Васоски стигна до петтата победа во последните шест натпревари откако ја совлада Ренова со 1-2 во Тетово. После триумфот, секако и селфи од соблекувалната во победничка атмосфера.
Сега „пандевци“ се само на еден бод негатива до Шкупи кој утре на Чаир го пречекува тимот на Струга Трим Лум. Можат ли струмичани сериозно да се вмешаат во трката за титулата?
