Македонскиот прволигаш Академија Пандев одлучи да се раздели со тренерот Ѓорѓе Стојчев по денешниот убедлив пораз (0-3) од Струга Трим Лум на стадионот „Младост“ во Струмица. „Пандевци“ не делуваа добро на теренот, загубија многу дуели и на крајот беа убедливо поразени.
По шест одиграни кола, Академија Пандев има седум освоени бода и се наоѓа на петтата позиција на табелата. Сепак, лидерот Струга ТЛ побегна веќе 11 бода.
Во наредните денови ќе биде поставен нов шеф на стручниот штаб во редовите на Академија Пандев.
