Фудбалерите на Академија Пандев ремизираа (1-1) против Нови Пазар на зимските подготовки во Анталија. Тимот на Ѓорге Стојчев одиграл добар натпревар, а уште на самиот старт примил гол од пенал.
Академија Пандев успеала да израмни во 30.минута, а до крајот пропуштила и неколку шанси за триумф. „Пандевци“ полека ја пронаоѓаат новата физиономија откако оваа зима се случи промена на тренерската позиција. Александар Васоски кој го водеше тимот во првиот дел од сезоната, замина на клупата на босанскиот клуб Сараево.
