Македонскиот прволигаш Академија Пандев го загуби последниот пријателски натпревар на подготовките во Анталија. Тимот на Александар Васоски загуби со 2-1 од украинскиот тим Оболон Киев. Стрелец на погодокот за „пандевци“ на овој меч беше Марио Крстовски.
Академија Пандев ги комплетира подготовките во Турција и се враќа во Македонија каде ќе продолжи да се подготвува за продолжението од шампионатот. Васоски и фудбалерите ги очекува тешка битка за обезбедување опстанок, но и борба за освојување на трофејот во Купот на Македонија.
