Челси официјално го ангажираше напаѓачот на Брајтон, Жоао Педро. „Сините“ платија нешто над 60 милиони евра за правата на 23-годишниот Бразилец.
Договорот на офанзивецот со лондонскиот клуб важи до 2033 година.
Жоао Педро веќе се наоѓа во САД, каде ќе се приклучи на Светското клупско првенство, на кое настапува Челси. Напаѓачот ќе може да настапи во четвртфиналниот дуел против Палмеирас со својот нов тим.
Бразилецот претходно има играно и за Флуминенсе и за Вотфорд. Има три настапи за националниот тим на својата татковина.
Се очекува во наредните часови Челси да го претстави и Џејми Гитенс, кој пристигнува од Борусија Дортмунд.
