Дербито од 26. коло во Првата македонска фудбалска лига денеска од 15:30 часот на стадионот „Младост“ во Струмица. Академија Пандев водена позитивната серија во изминативе три кола дефинитивно посакува и триумф против лидерот во шампионатот.
Составот на Југослав Тренчовски во претходното коло славеше со 2-1 против Ренова, па тоа носи и дополнителен мотив пред денешниот дуел со Шкендија во кој, без сомнение, желбата е нова победа.
Но, така не мислат и во таборот на Шкендија од каде јасно порачуваат дека интенцијата е да се задржи предноста на табелата во однос на најголемите конкуренти за титулата.
„Јасна е целта на Шкендија на секој натпревар да оди на победа. Така ќе биде и против Академија Пандев иако факт е дека максимално го респектираме тимот од Струмица кој и оваа пролет потврдува дека е еден од најдобрите во Македонија“ – вели офанзивецот на тетовци, Агим Ибраими.
Ренова, пак, по претходниот пораз од Академија Пандев сега на домашен терен ќе атакува на трите бода против Шкупи кој е во сериозна криза.
ПМФЛ – 26. КОЛО (денеска, 15:30 ч.)
Струмица: АК. ПАНДЕВ – ШКЕНДИЈА
Скопје: РАБОТНИЧКИ – БЕЛАСИЦА
Охрид: ПОБЕДА – ВАРДАР
Тетово: РЕНОВА – ШКУПИ
Кратово: СИЛЕКС – МАКЕДОНИЈА ЃП
Standings provided by Sofascore LiveScore
