Ајнтрахт Франкфурт го идентификува напаѓачот на Олимпик Марсеј, Ели Ваи, како потенцијална замена за Омар Мармуш. Египетскиот фудбалер ќе биде продаден на Манчестер Сити за 75 милиони евра, а на почетокот на следната недела треба да ги заврши медицинските прегледи.
„Орлите“ веќе започнале преговори со францускиот клуб за 22-годишниот напаѓач. Засега нема договор за трансферот на Ваи, но разговорите продолжуваат.
Според француските медиуми, Марсеј бара најмалку 25 милиони евра за својот играч, плус бонуси.
Ваи беше доведен во Марсеј од Ленс летово за слична сума. Оваа сезона има одиграно 14 натпревари за тимот, на кои постигнал три гола.
