Ајнтрахт Франкфурт го освои трофејот во Лига Европа (ВИДЕО)

Ајнтрахт е победник на финалето на Лигата на Европа што вечерва се одигра во Севилја. По изведување пенали, фудбалерите на Ајнтрахт Франкфурт беа подобри од Глазгов Ренџерс (5-4) и го освоија првиот пехар од Лига Европа во клупската историја. Тоа е втор европски пехар за германскиот клуб во историјата.

Кевин Трап во четвртата серија пенали го одбрани ударот на Арон Рамзи, а сите пет изведувачи на Ајнтрахт Франкфурт беа хируршки прецизни.

По регуларниот тек на финалната пресметка во Севилја, а и по 120 минути, резултатот беше 1-1.

Џо Арибо во 57.минута успеа да го доведе Глазгов Ренџерс во водство, а израмни Рафаел Боре во 69.минута од дуелот.