Ајнтрахт Франкфурт до крајот на годината ќе биде без дефанзивецот Макото Хасебе, потврди германскиот клуб. 38-годишниот ветеран има повреда на коленото која ја здоби при поразот (2-3) од Тотенхем во групната фаза од Лигата на шампионите.
„Неговата ситуација не е добра. Сега другите играчи треба да ја преземат неговата одговорност. Ја подобривме нашата одбрана во последните неколку недели, но сега треба да најдеме решение. Ансгар Кнауф и Лука Пелегрини исто така ќе го пропуштат нашиот следен натпревар, додека Алмами Туре и Жером Онген се повторно здрави“, изјави тренер на Ајнтрахт, Оливер Гласнер.
