Арсенал ја продолжува трката за шампионската титула со Манчестер Сити. Тимот на Микел Артета го освои „Олд Трафорд“ совладувајќи го Манчестер Јунајтед со 0-1. Леандро Тросар беше стрелец на победничкиот гол во 20.минута од дуелот.
Ерик Тен Хаг имаше многу проблеми со составот, изведе на теренот еден комбиниран тим, а тоа Арсенал знаеше да го искористи.
„Топчиите“ сега повторно се на врвот со бод предност пред Манчестер Сити, но имаат одиграно еден натпревар повеќе. Арсенал до крајот има еден натпревар, а Манчестер Сити треба да одигра два.
