Астон Вила е подготвена да плати 70 милиони евра за правата на голгетерот на Болоња Џошуа Зиркзе, пишува „Football Italia“. Холанѓанецот е многу посакуван и од Милан.
Се очекува напаѓачот да го напушти својот сегашен клуб на лето, без разлика дали „рособлу“ ќе се пласира во Лигата на шампионите.
„Росонерите“ планираат да понудат 50 милиони евра на Болоња за Зиркзе, како и правата на белгискиот интернационалец Алексис Салемакерс, кој моментно е на позајмица во тимот на Тијаго Мота.
Астон Вила веќе стапи во контакт со агентот на Холанѓанецот Киа Јорабчијан за потенцијален трансфер во Бирмингем. Англискиот клуб може да плати 70 милиони евра за играчот, а воедно да му понуди и годишна плата од 2 милиони евра.
Зиркзе е младинец на Баерн, а Баварците имаат опција да го вратат за 40 милиони евра. За напаѓачот се заинтересирани и Арсенал и Манчестер Јунајтед.
