Десниот бек на Манчестер Сити, Кајл Вокер, се очекува да биде подготвен за важниот дерби натпревар против Арсенал во трката за првото место во Премиер – лигата. Дефанзивецот заработи повреда на саботниот дуел со Бразил и беше заменет по само 20 минути игра пред да биде ослободен од таборот на репрезентацијата на Англија.
Според „Скај Спортс“, сепак, неговата повреда не е сериозна и најверојатно ќе биде на располагање за неделната пресметка на стадионот „Итихад“.
Разликата меѓу Арсенал, кој моментално е лидер во Премиер – лигата и Манчестер Сити, кој е на третата позиција, е само еден бод. Меѓу овие два тима е и Ливерпул.
„Топчиите“ немаат победа на стадионот на Манчестер Сити од 2015 година.
