Баерн Минхен бара нов лев бек, откако се чини дека Алфонсо Дејвис ќе си замине на лето. Канаѓанецот мора да одговори дали ќе го продолжи договорот до крајот на оваа недела.
Главен фаворит за замена на дефанзивецот е Тео Хернандез од Милан. Привлекувањето на францускиот интернационалец нема да биде лесна задача, поради што на „Алијанц Арена“ се разгледуваат и други опции.
Една од нив е Јан Маатсен. Холанѓанецот моментно е на позајмица во Борусија Дортмунд, но е во сопственост на Челси. Во договорот меѓу двата клуба нема клаузула за негов откуп.
Маатсен е проценет на околу 20 милиони евра, што нема да биде проблем за Баерн Минхен.
Тој за „жолто-црните“ во Бундес- лигата одигра 10 натпревари, постигна еден гол и забележа две асистенции.
