Поранешниот сопственик на Челси, Роман Абрамович, би можел да му се врати на фудбалот со купување на шпанскиот клуб Валенсија, објави весникот „АС“. Актуелниот сопственик на „лилјаците“, Питер Лим, е во немилост на навивачите на клубот, со оглед на лошите резултати и тешката финансиска состојба во последните години.
Абрамович не е вклучен во управувањето на фудбалските клубови од 2022 година, кога го продаде Челси поради војната во Украина. Тој го купи клубот во 2003 година и ја освои Лигата на шампионите.
Од следната сезона, како што најавија шпанските медиуми, македонскиот репрезентативен голман Столе Димитриевски ќе биде дел од Валенсија.
