Англиските клубови Манчестер Сити и Ливерпул се во сериозна трка за напаѓачот на Вулверхемптон, Педро Нето, и ќе се обидат да го ангажираат во текот на летото. Португалскиот репрезентативец се очекува да биде продаден по пет години минати на „Молине“.
Педро Нето беше една од целите на Манчестер Сити и минатото лето, но тогаш раководството одлучи дека Матеус Нуњез треба да биде приоритетно доведен на „Итихад“.
Ливерпул направи успешен трансфер со привлекувањето на Диого Жота од „Молине“ во 2020 година. Сепак, „црвените“ би можеле да имаат и промени во нивните трансферни планови бидејќи менаџерот Јирген Клоп ќе си замине, а нов спортски директор допрва треба да биде назначен.
