Српскиот интернационалец Душан Влаховиќ одлучи да остане во Торино и сака да потпише нов договор со Јувентус, тврдат италијанските медиуми. Начелно сѐ е договорено за продолжување на соработката за дополнителни две сезони. Новиот договор на Влаховиќ би имал важност до 2028 година.
Србинот беше цел на неколку европски клубови, се споменуваше можен трансфер во Арсенал или Челси, потоа Влаховиќ беше поврзуван и со Реал Мадрид, но сега е веќе очигледно дека ќе остане долго во Јувентус.
Тој беше стрелец на два гола во драматичната победа (3-2) над Фросиноне во минатото коло.
