Рајо Валјекано успеа да го сопре „кралскиот клуб“ играјќи 1-1 против Реал Мадрид на денешната пресметка во Ла Лига. Македонскиот репрезентативен голман Столе Димитриевски блескаше на голот на домаќинот.
Хоселу во третата минута го доведе Реал Мадрид во водство, но израмни Раул де Томас во 27.минута од пенал.
По ова, „кралевите“ не успеаја повторно да пронајдат пат до мрежата на Димитриевски.
Во финишот, Реал Мадрид остана и со фудбалер помалку поради исклучувањето на Дани Карвахал во судиското продолжение.
