Француската мегаѕвезда Килијан Мбапе на лето речиси сигурно ќе направи трансфер од ПСЖ во Реал Мадрид како слободен агент. Шпанските медиуми веќе открија и дел од деталите околу договорот на напаѓачот на Пари Сен Жермен со „кралскиот клуб“.
Французинот ќе потпише шестгодишен договор со мадридскиот клуб со плата од 32 милиони евра годишно, но Реал ќе му плати на напаѓачот и бонус од 100 милиони евра за потписот затоа што доаѓа како слободен агент.
Мбапе ќе поседува и 60 отсто од неговите имиџ права, наместо традиционалниот договор 50:50 меѓу клубот и играчот.
25-годишниот напаѓач настапува за Пари Сен Жермен од август 2017 година. Оваа сезона има 29 гола и седум асистенции на 28 натпревари во сите натпреварувања.
