Левиот бек на Баерн Минхен, Алфонсо Дејвис, се чувствува ценет во баварскиот клуб. Сериозен интерес за дефанзивецот има од Реал Мадрид, но тој можеби и ќе ја одбие понудата за да остане на „Алијанц арена“.
„Се чувствувам многу добро овде во Баерн. Играм во неверојатен тим, еден од најголемите во Европа“, изјави Алфонсо Дејвис за „Кикер“, покажувајќи дека е фокусиран на своите настапи во германскиот гигант.
Се уште нема „дил“ за нов договор меѓу него и Баерн. Баварците продолжуваат да притискаат, но и Реал Мадрид будно ја следи ситуацијата.
