Македонскиот репрезентативец Дарко Чурлинов имаше одлично враќање во дресот на Шалке, иако неговиот тим не мина добро на гости против Кајзерслаутерн (4-1). Сепак, Чурлинов беше стрелец на единствениот гол за Шалке, и тоа само пет минути откако влезе во игра.
Крилниот напаѓач доби шанса на почетокот на второто полувреме и успеа да погоди во 50.минута, откако ја искористи својата брзина и го надмудри противничкиот голман. Во тие моменти Чурлинов израмни на 1-1, но, сепак, до крајот на мечот Кајзерслаутерн дојде до убедлив триумф од 4-1.
