Реал Мадрид е победник на Суперкупот на Шпанија кој оваа година се играше во Саудиска Арабија. Во големото финале, во Ел Класико, Реал ја декласира Барселона со 4-1 и заслужено го освои трофејот.
Човек на мечот беше Винисиус Жуниор кој постигна хет-трик. Тој во седмата минута го отвори резултатот, а само три минути подоцна зголеми на 2-0.
Левандовски постигна гол за 2-1 во 33.минута, но Бразилецот комплетираше хет-трик со реализација од пенал во 39.минута.
Во 64.минута, Родриго постигна четврти гол за Реал Мадрид и беше јасно дека „кралевите“ ќе го освојат пехарот, Араухо ја остави Барселона и со десетмина.
