Барселона преку официјално соопштение објави во каква состојба е Рафиња. Бразилецот ја заработи повредата синоќа, на полуфиналниот дуел на шпанскиот Суперкуп против Осасуна со 2-0 и беше принуден да излезе од игра во 42. минута.
„Тестовите направени денеска покажаа дека првотимецот Рафиња има повреда на мускулот на левата натколеница“, објави каталонциот клуб.
Иако не е јасно колку точно Рафиња ќе отсуствува, Бразилецот сигурно ќе го пропушти неделното Ел Класико против Реал Мадрид.
Каталонските медиуми очекуваат дека тој ќе паузира околу еден месец, што значи дека 27-годишниот крилен напаѓач е исто така неизвесен за првиот осминафинален натпревар во Лигата на шампионите со Наполи на 21 февруари.
