Репрезентацијата на Гамбија доживеа авионска драма на пат кон Брегот на Слоновата Коска на Купот на африканските нации. Турнирот започнува в сабота.
„Њусблад“ известува дека авионот морал да се сврти и принудно да слета по само 20 минути во воздух. Причината е недостатокот на кислород.
„Сите можевме да умреме“, изјави селекторот Том Сејнтфиет.
„За малку ќе се затруевме со јаглерод моноксид. По девет минути пилотот реши да го сврти летот. Сите заспавме. Некои играчи тешко се разбудија. Уште половина час и сите ќе бевме мртви“, истакна загрижениот стратег.
