Христијан Малески на позајмица во Тиквеш

Напаѓачот Христијан Малески е ново засилување за Тиквеш. Тој доаѓа во кавадаречкиот тим како позајмен играч од Струга Трим Лум.

Малески во есенската полусезона настапуваше како позајмен играч во Брера Струмица. За струмичани настапи на десет првенствени натпревари и постигна еден гол.

Малески со Струга ТЛ ја освои титулата во Првата лига, а во кариерата има настапувано и за Велешта, Караорман и Новаци.