Стадионот на Баерн Минхен, „Алијанц Арена“ вечерва беше осветлен во спомен на легендата Франц Бекенбауер. Познатиот Германец почина вчера на 78-годишна возраст.
Денеска по 16:30 часот, објектот светеше црвено со зборовите „Благодариме, Франц“. Ова ќе се повторува до петок.
„До петок стадионот ќе свети црвено секој ден и ќе искажеме благодарност. Ова е нашиот начин да го почитуваме споменот на големиот Бекенбауер, кој 582 пати играше во црвениот дрес на нашиот тим. Со него трипати ја освојуваше европската шампионска круна и мина две етапи како тренер“, објави Баерн Минхен.
