Едуардо Камавинга се враќа во акција за Реал Мадрид. Францускиот репрезентативец по подолг период се опорави од повредата на коленото.
Фудбалерот од средниот ред веќе тренира и се очекува да биде вклучен во составот за натпреварот од Копа дел Реј против нисколигашот Арандина.
Целта на Карло Анчелоти е Камавинга да добие одредена минутажа и да се стекне со кондиција во натпреварувачки амбиент.
Со оглед на згуснатиот распоред на „кралевите“ во кој се и натпреварите од шпанскиот Суперкуп кој ќе се одржи во Саудиска Арабија, на Анчелоти му се потребни поголем број фудбалери на располагање.
