Миовски и Абердин поразени во финалето на Лига купот на Шкотска

Македонскиот репрезентативец Бојан Миовски со Абердин не успеа да го освои трофејот во Лига купот на Шкотска. Во финалето на „Хемпден Парк“, тимот на Глазгов Ренџерс славеше со 1-0.

Миовски беше стартер за својот тим, а победничкиот погодок беше дело на Таверние во 77.минута од дуелот.

Ренџерс првпат по 12 години успеа да се закити со овој трофеј.