![](https://makfudbal.mk/wp-content/uploads/2023/12/luis-enrike-pres-3.jpg)
Тренерот на францускиот клуб Пари Сен Жермен, Луис Енрике, чиј тим заврши на второто место во групата Ф од Лигата на шампионите, смета дека не постои тим што би ги посакал парижаните за противник во осминафиналето.
Пари Сен Жермен ремизираше 1-1 на гостувањето кај Борусија Дортмунд. Германците ја освоија групата со 11 бодови. Францускиот тим остана второпласиран со 8 бода, но го прескокна третопласираниот Милан, кој исто така собра 8 бода.
„Сè уште сме живи. Резултатот меѓу Њукасл и Милан во Англија беше многу добар за нас“, истакна Енрике.
На возраст од 17 години и 280 дена, Ворен Заир-Емери од Пари Сен Жермен стана најмладиот француски играч кој постигнал гол во Лигата на шампионите. Тој го постигна израмнувачкиот гол за гостите во 56. минута.
„Среќни сме, но знаеме дека можевме подобро. Нашата цел беше првото место, но сепак сме среќни што на крајот завршивме втори. Игравме добро, но фудбалот понекогаш е таков – топката едноставно не сака да влезе“, изјави Заир-Емери за телевизијата „Канал +“.
Дефанзивецот на ПСЖ, Маркињос, додаде дека е важно што тимот се пласира во следната фаза.
„Остануваме реални. Ќе се подготви уште подобро бидејќи нѐ чекаат големи противници. Важно беше да го подобриме нашиот настап како гости“, истакна Маркињос.
![](https://makfudbal.mk/wp-content/uploads/2021/02/logo.jpg)
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski
![](https://makfudbal.mk/wp-content/uploads/2024/09/zfk-ljuboten-7-1-80x80.jpg)
Женски фудбал
ЖФК Љуботен со утешна, но и историска победа во ЛШ
![](https://makfudbal.mk/wp-content/uploads/2024/09/kasemiro-junajted-888-80x80.jpg)