Мирсад Јонуз е нов тренер на Лирија Призрен

Поранешниот македонски селектор Мирсад Јонуз ќе седне на клупата на Лирија од Призрен. Косовскиот прволигаш во моментот е на последната позиција на табелата, а мисијата на Јонуз ќе биде да се обиде да обезбеди опстанок.

„Сите заедно можеме да дадеме сѐ од себе за остварување на целта. Ги повикувам верните навивачи и целиот град, да го кренеме тимот на Лирија“, изјави Јонуз.

Тој доби понуда за работа до крајот на сезоната.

Во Македонија, Мирсад Јонуз последен пат работеше во тимот на ФК Скопје.