Менаџерот на Арсенал, Микел Артета, ја коментираше победата на неговиот тим од 0-1 против Брентфорд во натпреварот од 13. коло на Премиер – лигата. „Топчиите“ ги решија работите во своја полза со голот на Каи Хаверц во 89. минута.
„Кога имате можност да ги надминете вашите конкуренти, треба да ја искористите. Многу ме интересираше како ќе игра тимот, знаејќи дека Манчестер Сити и Ливерпул изгубија бодови. Освен тоа, секогаш е тешко да се игра како гостин кај Брентфорд. Ми се допадна како се бореше тимот во такви услови, како игравме, колку сакавме да победиме. Заслуживме да победиме! Сега сме на врвот на табелата. Ова е местото каде што сакаме да останеме“, изјави Артета.
Арсенал е на врвот на табелата во Премиер – лигата со 30 бода, еден повеќе од Манчестер Сити и два бода позитива во однос на Ливерпул.
