Менаџерот на Ливерпул, Јирген Клоп, зборуваше во пресрет на големата пресметка со Манчестер Сити. Дербито на колото во Премиер – лигата се игра денеска од 13.30 часот.
„Тоа не е тест за нашето ниво и колку сме блиску до Сити. Тоа е само супер возбудлив натпревар, би го гледал каде било на планетата. Мораме да се подготвиме најдобро што можеме за тоа и знаеме дека ќе мораме да дадеме сѐ од себе за да добиеме шанса за победа. Ќе видиме што ќе се случи“, изјави Јирген Клоп.
„Манчестер Сити е исклучително силен тим и мора да бидеме максимално концентрирани“, додаде германскиот стратег.
