Шпанскиот стручњак Марселино Гарсија Торал повторно е на чело на Вилјареал, соопштија од клубот. Тренерот потпиша договор до летото 2026 година.
Марселино (58) ја водеше „жолтата подморница“ од 2013 до 2016 година, но во тој период немаа освоено трофеј.
Неговата последна работа беше во Олимпик Марсеј, но беше ослободен во септември минатата година.
Вилјареал пред неколку дена му врачи отказ на вториот тренер сезонава Хозе Пачета.
