Брера по цели три месеци успеа да победи, а го зеде скалпот на актуелниот шампион Струга Трим Лум. Струмиќани славеа со 2-1, со головите на Рибаудо во деветтата минута и на Ѓорѓије Јанкулов во 45.минута. Единствениот гол за Струга ТЛ го постигна Незири во вториот дел.
Воска славеше против Вардар со 1-2 на лошиот и каллив терен на стадионот „Борис Трајковски“. Ален Јашароски беше двоен стрелец за Воска, во 4. минута и во 75.минута, а Јорго Папули погоди за „црвено-црните“ во 15.минута.
Ијаји Атиемвен со прекрасен погодок донесе триумф (1-0) за Гостивар против Брегалница. Тој во 13.минута упати силен и прецизен удар од 25 метри во горниот агол од голот на штипскиот тим.
